Лауреатлар 27 март – Халыкара театр көнендә игълан ителәчәк. Быел алар А.Гыйләҗев исемендәге Яр Чаллы татар дәүләт драма театры сәхнәсеннән бүләкләнәчәк.
С.Өметбаев исемендәге Минзәлә татар дәүләт драма театры коллективы биш номинациядә җиңүгә дәгъва кыла:
“Дебют” номинациясендә Азат Җиһаншин А.С.Пушкинның “Хәтәр мәҗлес”ендә Альбер роле;
“Иң яхшы хатын-кыз роле” номинациясендә Динара Акматова Ф.Бүләковның “Сөясеңме, сөймисеңме…”сендә Фатыйма роле;
“Иң яхшы ир- ат роле” номинациясендә Рөстәм Зиннуров Ф.М.Достоевскийның “Җинаять һәм җәза”сында Родион Раскольников роле;
“Кече формалы иң яхшы спектакль» номинациясендә Ф.М.Достоевскийның “Җинаять һәм җәза”спектакле;
“Эксперимент” номинациясендә А.С.Пушкинның “Хәтәр мәҗлес” драмасы.
Номинантларга бу зур бүләк лауреатлары булуларын теләп калыйк. Уңышлар һәм бары тик җиңү сезгә!
Нурсибә Адиева,
театрның әдәби бүлеге мөдире